الثلاثاء، 19 يونيو 2007

أحنا ليه مش عاوزين نفهم


لما باشوف ناس لسه بتربى طيورولسه بتبيعها كدة

فى الخفاء فى البيوت بابقى مستغربة أحنا ليه مش عاوزين نفهم

أنه فى خطر ولازم نكون واعيين اكثر ولا احنا مستنيين ايه

وأما لاقى ناس مستواهم العلمى عالى والمفروض انهم مدركين حجم خطر انتشار

مرض انفلونزا الطيور وبرضوا مصريين انهم يشتروا من الناس دى الناس اللى مستخبية

ويكون ردهم انه لا دى كويسة وهيجيلها المرض منين

برضو باقول احنا ليه مش عاوزين نفهم

بس نتكلم مع مين ونقول لهم ايه هما ليه قافلين ودانهم وعنيهم مغمضينها

لما تكون وزارة الصحة مانعة التعامل مع الطيور بشكل مباشر

واحنا عماليين نخبيها ونربيها وندخلها بيوتنا

يبقى ليه مش عاوزين نفهم

ليه كل واحد ما يبتديش بنفسه ويبلغ عن أى طيور فى أى مكان ويتعامل مع الموضوع بجدية

وبلاش كلمة وانا مالى طيب بس وانت مالك أذاى

واذاى هنحاتفظ على عدم تطور مرض انفلونزا الطيور عندنا


وأحنا رافضين نفهم
تخيلو انة فى محلات للدواجن بتجيييب الفراخ حية كدة من أماكن مجهول مصدرها
ذى الناس اللى بتربى دى وتقعد بقى الفجر بعد ما كل الدنيا تنام والرجل تخف
ويقعدوا بقى يدبحوها ويجهزوها وكمان يغلفوها ويبعوها على انها جاية من المجزر
وطبعا لا هما عارفين حجم المرض اللى ممكن يصيبهم ويصيب اللى هيشتريها
وكل دة علشان يجيلهم قرشيين زيادة ورافضيين يفهمو
اننا لازم نتعاون كلنا مع بعض علشان نوقف من تطور المرض دة وأننا لازم نكون اجابيين اكثر

وواعيين أكثر لحجم المشكلة ونساعد فى علاجها

لاننا بموقفنا السلبى بنشارك فى تطور المرض

ويارب كلنا نفهم
من كام يوم كنت أنا وصحباتى متجمعين وحشونى اوووى
من زمان مشفناش بعض قولنا لا نحدد يوم ونقعد سوى
هو صحيح قعدنا فى البيت بس كانت ولا احلى رحلة لفينا اصلهم حلوين اوووى
وانا كمان بس مش هوة دة الموضوع البنات بقى بعد السلامات والبوس والاحضان والنسكافيه
ضرورى النسكافية ويشربوة بالاكراة هو كدةاللى يجى
محكوم عليه بالنسكافية الاول وبعدين يمكن اخد رايه فى حاجة تانية
اتكلمنا فى حاجات كثير فى حاجات راحت وحاجات لسه بتحصل ويا تعليقات
تموت من الضحك وما أعرفش اذاى الكلام دخل واتحول واحدة منهم قالت هنــااا
البت دى شكلها يجييب كام سنه
ما انتى عارفة هوة محتاجة أقولك
لا مش سنها كام يابت أنا قصدى حاجة تانيةيعنى لو تشوفيها كدة ماشية فى الشارع تديلها كام
وانا ايش عرفنى بهرب بقى هههه
قولى انتى
انا أديها 35
ياربى يخرب عقلك دة انتى بوظتى البت خالص طيب نقصيها حرام عليكى
والله شكلها كدة
أنا شكلى كدة طيب وأنتى
يا جماعة خلاص خلوها عليا المرة دى
لا بجد طب هى كام شكلها يجيب كام
أنتى عندك كام سنه يابت أعترفى اوعى تكونى مخبية
ما انتى عارفة يا هنااا
ههههههه بس صدقى تدى اكبر
كلكو شكلكوا اكبرمن سنكوا
أنتى يا بت انتى ذى ما انتى من ابتدائى
مش اووى كدة بس ماشى نعديها
بس كل دة ليه فى ايه ناويين على ايه بالظبط
عاوزين نتجوز
يخرب عقلكو وايه اللى فكركوا ما انتو كنتو كويسسين
يعنى طيب وانا مالى
لا بجد يا هناأحنا هنجوز امتى
اللى بقى عندة 25واللى عندها21 واللى عندها19
لاء بقى بصراحة ال19 دى كثير بقى روحى انتحرى
يا جماعة فيه ايه يعنى ولو حتى بقى عندنا مليون الجواز محتاج حد يتحب نرتاح له على الاقل
البنات كلها عمالة تتجوز وانتى عمالة تتفلسفى
أى حاجة بقى واحنا يعنى هنجيب اللى نرتاح له منيين
ما السوبر ماركت جايب نوع لسه جديد
بس بقى هو كل حاجة الجواز الواحد لازم يكون نفسه بس اذااى
بت يا هناااااا
هو انتى ولد دة انتى غريبة والله مخك دة اللى هيضيعك
طيب خليكى فى حالك
عاوزين نتجوز الايام بتجرى يعنى نتجوز امتى ونجييب ولاد امتى
ما تجرى يعنى هنحط على ضهرنا يافته ونقول عاوزين نتجوز
انا يا ختى بيجى لى كثير وانا اللى برفض
ما انتى عبيطة
هو اى حد وبعدين كل شىء نصيب
وامتى هييجى النصيب
يوم السبت الساعة 9ذ
أقولوكوا مافيش غير الاعلان اة نعمل اعلان
ولا اقولك نسجل كاسيت ياناس يا هوووو عاوزين نتجوز والله شوية مجانيين
والله ما حد مجنون غيرك

رغبة بالبكاء واحساس بالغربة وروح لا تعلم اين هى


لماذا كل هذة الاحاسيس ولماذا نشعر بها فجأة ودن تفكير

ماذا بنا ماذا اصابنا واذا كان هناك ما يصرخ بداخلنا حائرا

فليخرج فليعلن عن نفسة فليعطينا الحق كى نتنفس

حتى لا نختنق

لماذا يكسونا شعور الغربة ونحن لسنابمفردنا ولماذا نشعر بالفشل

ونحن حققنا الكثير من النجاحات

ولماذا نشعر بالوهن ونحن فى بداية الشباب

لا اعرف الى اين تأخذنى حروفى

فما زالت تحمل بين طياتها تخاريف
الجمعة، 15 يونيو 2007

مجرد تخاريف


ـلـماذا حين نحتاج لشىء نفتقدة كم توقفنى هذا كثيرا لافكر ماذا يحدث



ولما نفتقد الاشياء عندما نحتاج اليها فنبحث عنها ونبحث دون جدوى فلن نجدها

هل عندما ندرك قيمة الاشياء تختفى من حياتنا وتصبح كسراب

لا أعرف ولكن أشعر حقا انى كلما أحتجت لشىء لا أجدة وعندما لا احتاجة

يظل قريب تراة عينى يا لها من لعبة ويا له من قدر غريب

والاغرب بحثنا عن ما لا نجد رغبة فى ايجادة كأننا أيضا نعاند القدر حولنا



كأننا نعاند أنفسنا ربما ولكن هل من يفقد شيئا يوقف البحث عنه

أو لا يعطى الفرصة حتى لافكارة أن تتذكرة ولماذا نظل هكذا دائما نبحث عن أشياء قد اختفت


وربما لن تعود


ولما ندعنا نضيع فى رحلة


بحث قد لا تثمر اى شىءتخيلووووو

لعلنا يوما نضطر لنفقد غالى لدينا دون ارادة فنتركه أو نحاول الرحيل عنه

لاننايجب وأن نرحل عنه وليس لرغبتنا فى الرحيل فلو تركنا ارواحنا بسجيتها

لرغبت فى البقاءبجوارة ولا تمنت العودة أبدا لكن ها نحن نبحث عن ما لا نريد


ونحاول ان نفعل ما لا نريد لاننا لن نستطع غير ذلك

وعندما يضيع منا ما نتمناة أو حتى نشعر بأنه ابتدا فى الرحيل عن أعيننا

نعود لنبحث لماذا هذا التداخل الغريب هل لأننا لازلنا بداخلنا نريدة

أم لانه أبتدأ فى الرحيل.

عذراااا فهى مجرد تخااااااااريف
الثلاثاء، 12 يونيو 2007

قد كدة الموبايل مهم فى حياتنا

ذى كل
يوم الصبح أول
ما أصحى أخد الموبايل وأفتحة
ليه بقى مش عارفة يمكن عادة أصل ممكن أفتحة بعدها بشوية يعنى أول ما اصحى
مباشرة دة حتى الواحد بيكون مش فايق وعنيه مقفلة
كدة يعنى مش هنا مش مركز
المهم مش هى دى المشكلة المشكلة حطيته فى مكان
ودخلت بقى أغسل وشى وكدة مش هاقعد جنبة يعنى أصلا مش هيرن
بعديها بوقت رجعت أجيبه وووو ملقتهوش ياربى راح فين دة كان هنا
يعنى عفريت اخدةودورى يا هناااا والموبايل أختفى من غير ماحد يحركه وانا بقى
سيبت الدنيا كلها وعملت بحث جامد اووى علية يااااة هو الموبايل بقى ضرورى كدة فى حياتناولا ايه
مالى بادور عليه كدة ليه اللى كان مضايقنى انه اختفى بغموض وانه ما احدش بيدور عليه غيرى
هوة مش عشان موبايل روش بادور عنه بس حسيت ان بتربطنى بيه صلة جامدة كأنه جزء
منى مش عارف اعمل حاجة من غيرة غريبة قولت يا هنااا خدى تلفون ورنى عليه علشان تسمعى الرنة
وتجبيه ارن وارن والتليفون مغلق ياربى هوة أنا نسيت أفتحة !!! نايمة بقى
وخلاص بقى قولت مش هادور عليه صابتنى حالة ياس ولوأنها مش عادتى وقولت يضيع
مش هادور عليه الغريبة انه بعدها بكام ساعة ظهر لواحدة من غير ما ادوور
بس معقول الموبايل بقى بيشكل جزء كبير من حياتنا من غير ما نحس
الاثنين، 11 يونيو 2007

ما بين ايوة ولاء


تعمل ايه لو تبقى عاوز تأخد قرار وتلاقى نفسك فى حالة تردد

ويبقى القرار ضرورى جدا وأنت جواك كتلة من الترد يمكن خوف

تأخد قرار غلط ويأعدها تندم طول عمرك

وتفضل محتار وتفضل تفكر يا ترى أفكر بعقلى بس ولا بقلبى

ولا بالاتنين سوى ياااااه دى مشكلة لو بالعقل بس

والقلب مش راضى أو مش حاسس بارتياح

والاكبرمشكلة لو تاخد قرارك بالقلب بس والقلب دة

يمكن برضوا قرارة ما يريحش العقل

خلاص فكرت تأخد القرار بعقلك وقلبك سوى

لاقيت نفسك اكثر محتار ومنردد مش عارف توفق بين الاثنين

لانه اللى يرضاة القلب غير اللى يرضاة العقل

طيب وبعدين هتفضل تتفرج على نفسك

وانت تايه جواا نفسك ومش لاقى حل

مش قادر تأخد قرارك خايف على احساس قلبك

وعاوز ترضى عقلك

والناس واصحابك مستغربين ايه معقول!!!!!!

ما تقول اى حاجة

وانت متردد مش عارف تأاخد قرار

ووقتك ويومك وأمسك يضيع ما بين أأأيوة وما بين لاء

اوقات اخاف من احساسى بيك

أخاف من قلبى لما يناديك

أخاف وأهرب لبعيد عنى

أصلى بادوب من حبى فيك

أخاف اقرب وأخاف لابعد

ولما أصرخ بعلو صوتى

وأقول 0000

محتاجة ليك

بيبقى بينى وبين نفسى

بافضل أهرب منك بعييد

أخاف لو أضعف وأنا بين اديك

وأقول على اللى باحسه ليك

عرفت ليه أوقات باروح منك

لانى باروح منك اليك

ا

ل

يـــ

ك

كلماااااتى

هنـــااا


اثبتت دراسه فرانسيه حديثه أن المشي يخفف من الضغوط النفسيه حيث ان الرياضه المنتظمه خاصة المشي لها فوائد ايجابيه لصحة الانسان النفسيه وذلك لأنها تزيد من الثقه بالنفس وتحسن من الحاله المزجيه , وأوضحت الدراسه ان المشي اليومي لمدة ساعه يمكن أن يخفض نسبة الكوليسترول ويزيد اللياقه . كما أنه يدخل البهجه والحيويه الى كل أعضاء الجسم . وأوضحت الدراسه أن الرياضه تساهم في افراز ماده كيماويه في المخ ترفع الروح المعنويه تدعي (بيتا اندورفين) وذلك بعد ممارسة التمرينات الرياضيه لمدة عشرين دقيقه , وكلما زاد وقت الرياضه زاد تاثير هذي الماده في رفع الروح المعنويه, كما اثبتت الدراسه ان المشي يمنع النسيان واضطربات الذاكره في الشيخوخه او على الأقل يؤخر حدوثها ويقلل من تأثيرها , وذلك لأن المشي يحسن من الدوره الدمويه في المخ والجسم عامة فيصل الدم بكميات
كافيه للمخ محملاً بالأكسجين والجلوكوز والمواد الغذائيه للجهاز العصبي
يالله تعالوا كلنا نمشى

لامتى هتفضل البنت محاصرة ومقيدة وممنوعة من ابسط حقوقها
وهى أنها تأخد قرارها بنفسها وتعمل الشىء اللى ترتاح له من غير تدخل من الاخوة والاهل
بأسم الحب أو الخوف عليها كأنها لا اتعلمت ولا أخدت شهادات كأنها بيبى صغيرة ما تقدرش تختار
وتتحمل نتيجة أختيارتها الخوف بقى يقتل بقى يخنق بقى ممل احنا كبرنا ليه نفضل فى نظر اهلنا صغيرين
مش عارفين ومش هتعرف ليه الولد بس فى نظرهم هو اللى يعرف والبنت لاء فيها ايه لما النت تأخد قرار وتعبر عنه
وتقول رأيها بصراحة ووضوح ليه ممنوعة من أبسط حقوقها
وتلاقى البنت دكنورة ولا مهندسة ولسه باباها ومامتها قلقانين عليها ويتدخلو فى كل حاجة تعملها
خايفيين عليها ليه دى كبيرة عاقلة تعرف تتصرف بس ادوها فرصة حتى تتعلم تعتمد على نفسها ويكون لها شخصيتها المستقلة
ورايها الخاص اللى يحدد مصير حياتها ويكون لها طموحها ويقولولها لما تتجوزى ابقى روحى وتعالى ابقى اشتغلى ابقى وابقى
وبعدين تتجوز لنفترض تلاقى زوجها عامل عليها حظر تجول ويبقى بدل الممنوع مليون ممنوع يااااة وبعدين
دة البنات فى اوروبا بتعتمد على نفسها فى سن 16 سنه وبتأخد قرارتها بنفسها وكمان تشتغل ووو انا مابقولش نبقى زيهم
لكن باقول عاوزين يا بابا ويا ماما ويا000 ناخد فرصة نحقق ذاتنانبقى بجد ذى الولد وليه لاء
 


تخــاريف هنونـــه. Template Design By: SkinCorner