الاثنين، 11 يونيو، 2007

هموم البنات


لامتى هتفضل البنت محاصرة ومقيدة وممنوعة من ابسط حقوقها
وهى أنها تأخد قرارها بنفسها وتعمل الشىء اللى ترتاح له من غير تدخل من الاخوة والاهل
بأسم الحب أو الخوف عليها كأنها لا اتعلمت ولا أخدت شهادات كأنها بيبى صغيرة ما تقدرش تختار
وتتحمل نتيجة أختيارتها الخوف بقى يقتل بقى يخنق بقى ممل احنا كبرنا ليه نفضل فى نظر اهلنا صغيرين
مش عارفين ومش هتعرف ليه الولد بس فى نظرهم هو اللى يعرف والبنت لاء فيها ايه لما النت تأخد قرار وتعبر عنه
وتقول رأيها بصراحة ووضوح ليه ممنوعة من أبسط حقوقها
وتلاقى البنت دكنورة ولا مهندسة ولسه باباها ومامتها قلقانين عليها ويتدخلو فى كل حاجة تعملها
خايفيين عليها ليه دى كبيرة عاقلة تعرف تتصرف بس ادوها فرصة حتى تتعلم تعتمد على نفسها ويكون لها شخصيتها المستقلة
ورايها الخاص اللى يحدد مصير حياتها ويكون لها طموحها ويقولولها لما تتجوزى ابقى روحى وتعالى ابقى اشتغلى ابقى وابقى
وبعدين تتجوز لنفترض تلاقى زوجها عامل عليها حظر تجول ويبقى بدل الممنوع مليون ممنوع يااااة وبعدين
دة البنات فى اوروبا بتعتمد على نفسها فى سن 16 سنه وبتأخد قرارتها بنفسها وكمان تشتغل ووو انا مابقولش نبقى زيهم
لكن باقول عاوزين يا بابا ويا ماما ويا000 ناخد فرصة نحقق ذاتنانبقى بجد ذى الولد وليه لاء

2 التعليقات:

Gid-Do - جدو يقول...

هنونه
عندك حق ـ المشكله فى المجتمع كاكل لو حتى الاسرة متفاهمة مع البنت والجيران شافوها اكتر حرية من بناتهم على طول راح يتهموا اسرة البنت ظلما بالتسيب ويطلعوا اشعات ملهاش اصل وفى هذة الحالة ياابو البنت يستمر فى موقفه وضيع سمعة الاسرة ومحدش يتجوز بناتة او ان الاب يحط قيود المجتمع ويظل الوضع على ما هو عليه من حجر على البنت رغم انها متعلمة زيها زى الولد ويمكن احسن

المجتمع ـ الناس كلها مسئولة عن هذة المشكلة ـ وطبعا استهتار بعض الناس المشهورة فى المجتمع زى هند الحناوى واحمد الفيشاوى بيخلى الكل يخاف من ان دة يحصل لبناتهم الموضوع صعب يتغير فى يوم وليلة

hana يقول...

فعلا ممكن يكون المجتمع كلة مشارك فى كدة لكن مش كل البنات فى مجتمعنا تشبه هند الحناوى فى الاستهتار والتسيب
ولا كلهم ممكن يعملوا أخطاء فى بنات ما تحبش تعمل الغلط ودايما بتحاول تكون صح
ودايما تفكيرها بيحدد تصرفاتها
مفهوم الحرية اللى بتمنى أنه يكون موجود
اننا نأخد فرصتنا نتخذ قرارتنا يعنى يبقى قرار البنت
فى الامور اللى بتخصها فى ايدها
وتتصرف بحرية اكثر من المعهود عليه
ومتبقاش البنت مجرد شىء مش عارفة تحقق اهدافها واحلامها
لانها بنت وحتى مهما كبرت وأخدت شهادات برضوا واقفة فى نفس مكانها
وفعلا ذى ما قولت الموضوع عمرة ما هيتغير
فى يوم وليله
ويمكن ما يتغيرش ابدا للاسف
تحياتى لك

 


تخــاريف هنونـــه. Template Design By: SkinCorner