الثلاثاء، 12 يونيو 2007

قد كدة الموبايل مهم فى حياتنا

ذى كل
يوم الصبح أول
ما أصحى أخد الموبايل وأفتحة
ليه بقى مش عارفة يمكن عادة أصل ممكن أفتحة بعدها بشوية يعنى أول ما اصحى
مباشرة دة حتى الواحد بيكون مش فايق وعنيه مقفلة
كدة يعنى مش هنا مش مركز
المهم مش هى دى المشكلة المشكلة حطيته فى مكان
ودخلت بقى أغسل وشى وكدة مش هاقعد جنبة يعنى أصلا مش هيرن
بعديها بوقت رجعت أجيبه وووو ملقتهوش ياربى راح فين دة كان هنا
يعنى عفريت اخدةودورى يا هناااا والموبايل أختفى من غير ماحد يحركه وانا بقى
سيبت الدنيا كلها وعملت بحث جامد اووى علية يااااة هو الموبايل بقى ضرورى كدة فى حياتناولا ايه
مالى بادور عليه كدة ليه اللى كان مضايقنى انه اختفى بغموض وانه ما احدش بيدور عليه غيرى
هوة مش عشان موبايل روش بادور عنه بس حسيت ان بتربطنى بيه صلة جامدة كأنه جزء
منى مش عارف اعمل حاجة من غيرة غريبة قولت يا هنااا خدى تلفون ورنى عليه علشان تسمعى الرنة
وتجبيه ارن وارن والتليفون مغلق ياربى هوة أنا نسيت أفتحة !!! نايمة بقى
وخلاص بقى قولت مش هادور عليه صابتنى حالة ياس ولوأنها مش عادتى وقولت يضيع
مش هادور عليه الغريبة انه بعدها بكام ساعة ظهر لواحدة من غير ما ادوور
بس معقول الموبايل بقى بيشكل جزء كبير من حياتنا من غير ما نحس

12 التعليقات:

حدوته مصرية يقول...

اه هو مهم مش عارف ليه بس هو مهم مينفعش امشى من غيره
هو مهم للاهل برضه يطمنوا علينا و الاكتر يخنقوا يعنى مش يطمنوا

حتى ناس كتير زيك كده بتقفل الموبيل قبل ما تنام انا مبقفلوش ابدا مش عارف ليه برضه

تحياتى

hana يقول...

أهلا يا محمد
معنى كلامك انه الموبايل دخل حياتنا وبقى جزء منها بقى حاجة اساسية يمكن كمان بقينا نحس أنه مهم ومش عارفين ليه حاجة تحير
وعندك حق فى حكاية الخنقة دى

أوقات بحس انه عبارة عن مراقب لينا
تخيل انا صحيح بقفل الموبايل لما أنام من غير ما أعرف ليه
أرق تحية لك

بنت مصرية يقول...

انا كمان اول حاجة بعملها لما اصحى اشوف الموبايل
بس بالى فترة كل جمعة وسبت،اجازتى من الشغل يعنى اخليه بعدي عنى طول اليوم وماجيش جمبه
بس مابقرش اقفله مثلا،بكتفى انى اعمله سايلانت

hana يقول...

اهلا يا زيزى نورتى ياقمر
مش باقولك الموبايل دخل حياتنا من غير ما نحس وبشكل قوى جدا
أنا كمان أوقات أعمله سايلانت لما أكون زهقانة ولا مضايقة المشكلة أنى مبقفلوش وقتها ومش عارفة ليه
تحياتى لك

غير معرف يقول...

ايوه فعلا هو بقى مهم جدا فى حياتنا
لدرجة ان انا ساعات لما يكون فى الشحن وسيبته مثلا ونزلت من غيره ابقى حاسس دايما ان ناقصنى حاجه
ولو حصله حاجه ماستحملش اقعد يوم الا ام كون جبت غيره اوصلحته

•«ρяoιd»•™ يقول...

كل حاجه في الدنيا دي نسبيه

و احتياجك للموبايل غير احتياج غيرك ليه

بس لو دورتي

هتلاقي كل واحد فينا محتاج له بصوره من الصور

اللي بيطمن بيه علي اهله

اصحابه

حبيبه

شغله

هتلاقي الف حاجه تخليكي محتاجه ليه

و تهمتمي بيه

حتي لو مش بيرن

تبصي ليه بحزن كده

و تقولي بينك و بين نفسك

يااااااااااااااااااه

كل ده و محدش افتكرني

:(

و تفرحي قوي لما تلاقيه بيرن من حد عالي عنك

و تلاقي الأبتسامه هجمت عليكي لوحدك كده

:)

تحياتي

-_- يقول...

ده بقى شئ من ضروريات الحياة مش من الكماليات

hana يقول...

صحيح يا محمد الظاهر الموبايل دة بقى شىء رئيسى مانقدرش نقعد من غيرة ولا ساعة واحدة

تحياتى لك

hana يقول...

فعلا يا برويد كل واحد فينا محتاجة بصورة مخنلفة لكن كلنابنشترك سوى
فى احتياجنا الشديد جداااااليه
ودة الشىء اللى مستغربة له
تحياتى لك

hana يقول...

حقيقى يا شرم دة كمان مش بس من ضروريات الحياة
أنا حساة روح الحياة لاننا بنبقى حاسيين ناقصنا حاجاااات لما نفقدة ولو للحظاات

BaBaNesmA يقول...

طبعا الموبايل ليه أهمية كبيرة فى جياتنا
انا أساسا مبقفلوش لما انام

تحياتى

hana يقول...

BaBaNesmA
فعلا
الموبايل زرع اهميته فى حياتنا من غير
ماندرى
بقى شىء اساسى وضرورى
نورت البوست

 


تخــاريف هنونـــه. Template Design By: SkinCorner