الخميس، 9 أغسطس 2007

جربت تكون حد تانى

ياترى فى حد مننا فكر يكون حد تانى حد غيره حد جديد
مش هوة مش نفسه.. يا ترى حد جرب أو حتى فكر
حد نفذ ..حد حتى اتمنى ...
مش حد مختلف فى الشكل ولا اللون ولا العيون والشعر ولا حتى الاستايل
ولا فى الكلام ولا اللغة .. لا حد غير حد مختلف فى احساسه
فى تصرفاته فى طريقه استيعابه للأمور
وفى ردود فعله يعنى حد جرب يكون شخصية مختلفة فى
استيعابه للامور ان كان خجول ضعيف جرب يكون جرىء وقوى
أو العكس
أو حتى بعيد عن ربنا جرب أو حب يقرب ويصلى
ويغير حياته
فى حد حب أنه فى يوم يقلب حياته يغير جوااة ويبقى حد تانى من جوة مش من بره
وياترى حد قدر ولا ما قدرش يغير نفسه
طباعه.. حياته.. احساسه

9 التعليقات:

شمعة أمـــــل يقول...

اكيد يا هنونه كل واحد فكر ان يبقى حد تانى
حد يعمل الحاجات اللى ميقدرش هو يعملها
بوست جميل وفكرته حلوه اوى

hana يقول...

شمعة أمل
تواجد الاجمل كثير
بس ماقولتيش ياترى
كل واحد يفكر بس ولا نفذ ونجح ولا بيحاول
ولا هيحاول ؟؟؟
نورتى بجد

The Alien يقول...

معتقدش إني فكرت أكون حد تاني
يمكن عشان أنا واقعي وعارف إن دا مش هيحصل
يعني تلاقيني لما أشوف حاجة حلوة ف حد أتمني تكون عندي
ودي حصلت كتير وبحاول أحققها
يعني مثلا عندي واحد صاحبي ببساطة كدا متفائل ودا بيخليه أغلب الوقت سعيد
أنا بحاول أتعلم منه بس معتقدش ف يوم إتمنيت أبقي مكانه

تحياتي

غمض عينيك يقول...

انا جربت ابقى ابن خالتي بس ماكنتش فاضي
:P:P

محمد سمير

hana يقول...

The Alien

وانا كمان باحاول اتعلم أغير كثير من

ردودد فعلى وأسلوبى فى التفكير
نورت حقيقى

hana يقول...

غمض عينيك

ههههههههههههه
والله أنت عاوز تنضرب ممكن
ولا مانع الضرب
:P:P

rack-yourminds يقول...

فيه موقف حصل لي في اسكندريه اثبتلي اني جرئ جدامع اني انا شايف نفسي العكس

ايه هو الموقف شوفي ا ستي وانا في اسكندريه علي البحر صحبي اللي كان معي روح السكن وانا واللي معي مكنش معنا فلوس لان الفلوس في السكن طيب نعمل ايه

انا طبعا قلت يا واحد مفيش حل الا ههههه

تخيلي اضطريت انا اطلب تمن المواصلات من شاب عشان اخد فلوس اروح بيهم السكن
طبعا فيه ناس رفضت تديني فلوس ههههه لكن في الاخر فيه شاب حن علي واداني هههههه وصحبي اللي كان معي كان بيراقب الموقف وكان ميت من الضحك علي ههههههههههه
انا بفكر احكي الموقف ده بالتفصيل والمواقف الاخري في مدونتي

تحياتي ليك

hana يقول...

ههههههههههه.
يخرب عقلك دة عملته اذااى دة
ههههههههههه
بس برافووو هههههه
لا دة أنت فعلا لازم تحكيه بالتفصيل
واللى رفض قالك ايه ولا اداك الفلوس قالك ايه
هههههههههههههه
ياربى

known يقول...

alot of times i want to be another person but i prefere at the end my self as it is like

 


تخــاريف هنونـــه. Template Design By: SkinCorner