الخميس، 30 أغسطس 2007

تخاريف فى تخاريف


مش عارفة ليه عندى احساس غريب بالملل والوحدة حاسه كدة حاجة غريبه

مش عارفة عاوزة ايه وليه وفين واذااى حاسة أنى مش عارفة

أى حاجة ومش عارفة ليه حتى مش عارفة

ومش عارفة أمتى هأبقى عارفــة!!

حاجات جوايا ملخبطــة عاوزة أعيط ومش عارفة ليه

عاوزة أقول اى حاجة بصوت عالى عالى اووى بس مش عارفة ايه هيااا


اصرخ ولا ازعااء ولا ايه !!!!

حاجة غريبة أوووى

ماتخدوش فى بالكواا أهووووووووو تخااريف

..............

18 التعليقات:

rack-yourminds يقول...

الله يخرب بيت الملل هههه

ايه يا بنتي هو الملل دي بقي دايما عندك


شوفي بقي عاوزك كده اول متصحي من النوم تكرري هذه الجمله انا مبسوطه انا فرحانه انا معنديش ملل عشر مرات ههههههه

لا بجد عاوزك تشغلي نفسك باي حاجه مفيده عشان متحسيش بملل

وبعدين انتي كنتي فين غايبه يعني

سلامات هنا

hana يقول...

هههههههههههههههه
انا مبسوطة انا فرحانة انا معنديش مللل
اهوة باقولها ههههههههه

بجد حاسة بملل فظيع
مش عارفة
اعمل ايه علشان اضيع احساس الوحدة والملل حاجة مضيقانى بجد

انا كنت كام يوم على البحر وماجيتش ههه
وباقى الايام موجودة بس حاسة مش ليا
نفس اعمل حاجة


منورنى يا وااحد

غمض عينيك يقول...

عارفة الحالة دي انا بدخل فيها كتير حتي انا مديها اسم...مسميها..حالة الزيرو...بكون فيها مش مضايق ولا حاجة بس مخنوق مش عارف من ايه عايز اعمل حاجة ومش عارف هي ايه
ولو معملتهاش مش هيحصل حاجة لان اصلا مافيش حاجة
يعني هي بتبقى لخبطة وتخاريف زي مانتي بتقولي
بس النا بحلها بحل بسيط اوي
بناااااام

تصبحي على خير
محمد

حنين و حنان يقول...

http://a7babwalakenn.blogspot.com/
hi i want you to visit my blog

حبيبة الرحمن يقول...

ازيك ياهنا ؟

انا اول مره ادخل المدونه بس شكلها مش اخر مره عارفه ليه لانها تخاريف لذيذه
واحلى حاجه بتطلع من التخاريف

فعلا الحاله دى ياما بتيجى للواحد بس انا هقولك حل يمكن تستغربيه بس جربيه ياستى وبكره تقولى كيتى قال بس بشرط لو جربتيه تقوليلى ايه النتيجه :)

اجرى بتكلم بجد والله شوفى اى تراك اى استاد او نادى واجرى فيه ويفضل الصبح بدرى

هتلاقى نتيج جميله اوى ويارب تبقى مبسوطه وسعيده :)

وبعدين ده مفيش اجمل من البحر لما تشوفيه تنسى الدنيا

ارق تحياتى لهنا

known يقول...

by the way this setuation happen to me alot of times and i do not why ,and at this time i wish if i could kill my self and disappear from this life..for ever

شمعة أمـــــل يقول...

على فكره يا نونه
لو سمعتى كلام واحد يبقى ربنا معاك ومش هتلاقى عقلك
نصايحه بتودى العباسيه
بس موضوع الملل ده بقى مشكله عندنا كلنا
بس لما تلاقى علاج غير نصايح واحد ابقى قوليلى عليه
ربنا معاكى يا جميل

غير معرف يقول...

بيرو اه قولي كده شكلك زرتي العباسيه قبل كده هههههههههه


بس تصدقي مفيش احلي من عيشة العباسيه هينسوكي حاجه اسمها الملل ههههه

معلهش هنا بس بيرو كل شويه بتشتاق للخناقات شكلها عاوز تتضرب تاني هههه

تحياتي لكم

The Manager يقول...

مش عارف اقولك ايه غير انه الشعور دة بيكون عندي طول ما بكون مش بعمل حاجة جديدة

لكن الصح بقة اني مش افضل كدة

كل يوم اعمل حاجات مفيدة وافيد نفسي او غيري و اكون دايما ورايا حاجة

على قد ما اقدر يعنى

ودة بيشيل الملل شوية

بس بصراحة انتى مش لوحدك
كلنا هذا الرجل يا هنا

تحياتى ليكي

hana يقول...

غمض عنيك.

والله فكرة تجنن.
بس كدة ممكن الواحد ينام طول اليوم هههه

تحياتى لك محمد

hana يقول...

احبــــأب و لكن

ان شاء الله بازور ها قريب
تحياتى لك...

hana يقول...

kitty

والله فعلا فكرة حلوة والبحر كمان جميل
تعرفى فعلا بقالى وقت باروح
كمان الرياضة بشكل عام اخدين كثير من وقتى
لكن فكرة الجرى
اكيد هجربها واقولك

نورتى بجد

hana يقول...

butterfly

فعلا احنا مش بنعرف ليه بيحصلنا كدة
بس الواحد فعلا بيوصل لدرجة انه
يضايق جدا
وربنا مايجبيش االافكار دى فى بالنا
وتفضل الحياة برضوا جميلة ان شاء الله

نورتينى حقيقى

hana يقول...

شمعة أمل

واحد سامعك وشايفك
وخايفة لا مش هاقول هههه

نورتينى بجد

hana يقول...

واحــــد

تعالى هنا يا واحد

هى انضربت اولانى ولا ايه هههههه

والله وجودكــم معايا

احلى حاجة فى الدنيا

نورت يا واحد

hana يقول...

The Manager

فعلا الملل بيتسرب لحياتنا ذى الهوااء
وانا كل يوم باعمل حاجة احس فيها تغيير
لكن اوقات ماعرفش اذااى
.الاقينى
بشكل غريب حاسة بوحدة بملل بزهق كله على بعضة

نورت بجد

ta5areef يقول...

مساء التوافق فى الملل والتخاريف

أُكتب بالرصاص يقول...

على فكرة يا هنونة
تخاريفك حلوة جدا

 


تخــاريف هنونـــه. Template Design By: SkinCorner