الاثنين، 26 نوفمبر، 2007

!!!!!هوة هيجى الساعـــة كاام !!!!!

بكالوريوس هندسة... ليسانس حقوق... ولا تجاارة
علم نفس .. فلسفة
يالله بسرعــة بروااز كبيــر
خلينا نحقق كل الاحلاام ونعلقه عل الحيطــة كماان
ياااااااااة مستنيين اليوم دة بقاالنا زماااان
بس يا ترى فى أى مكاان؟؟؟؟؟؟؟؟؟؟؟
زيدى يا بطالة كمان وكماان
عاوزين أيه نلحق القطــر
هوة هيجى الساعــة كااام!! !!!

28 التعليقات:

غمض عينيك يقول...

القطر جاي اهوه
انتي جاهزة؟

MKSARAT SAYED SAAD يقول...

متستعجليش على قطر البطالة جيلك جايلك
بس انتى بعد ما تخلصي جامعتك اية الشهادات اللي عتبقى معاكي زايدة علىشان تضمنى شغل بسرعة وهل انتى جاهزة تحصلي على الشهادات دية في مجال تخصصك في قد اية
مش بعقدها اكتر لكن عايز اقولك حاجة
فرص الشغل كتيرة لكن امكانياتنا احنا اللي مش قدها كلنا بنخلص الجامعة وندور على شغل وعايزين مرتبات حلوة وعايزين وعايزين بس للأسف لحد الستينات واوائل السبعينات كان ممكن تعين بالشهادة بتاعت الجامعة لكن بعد بقى مستحيل شوفي مجالك ايه وشوفي اية الشهادات الدولية اللى تناسبة والكورسات اللي تدعمك كدة تضمنى قطر البطاله عمرة ما يجي
يعني حبيت انقل وجهة نظر مختلفة
تحياتي

MKSARAT SAYED SAAD يقول...
أزال المؤلف هذا التعليق.
hana يقول...

غمض عنيك

ومين هيوافق يركب قطر بالشكل اللى بيقوله عليه
شوفت اعلان القطر على القنوات المصريــة
ههههههههههههههه
بعد الشهاداات ووجع القلب
عاوزينا نتعلم حرفة وتتقنها
ونركب القطر ولو لاء بقى يبقى هيفوووووت
ويسبنا

يا ناس دة اسمه كلااااااااااااااام !

hana يقول...

MKSARAT SAYED SAAD
تخيل هو قطر البطالة افضل من قطر العمل فى غير مجال اللى دخلناة واتعلمناة

بس على فكرة انا مش شايفة انه فرص العمل كثيرة بالعكس
الفرص بقت قليله اوى ويمكن بقت نادرة
كماان وحكاية الكورسات دى امر طبيعى انه الانسان يبقى بيتكلم لغة نوعا ما حلو ويتقن الكمبيوتر والحاجات دى
بس احنا فعلا عندنا فى مصر نسبة بطاله عالية جدا بشكل فظيع وقاسى
الشباب الفرصة الوحيدة اللى قدامهم بقت الهروب بالسفر والعمل فى بلاد تانية
علشان يحقوقوا ذاتهم
لكن البنات بقى هيقعودوا فى البيت لا سفر ولا اى حاجة
كل الشهادت الى هناخدها عاوزينا نسيبها ونغير مجالنا وننتقل للعمل الفنى دة كلام
والا مافيش تعيين للشباب ويلوموا على الشباب فى كل البرامج وعاملين اعلانات لما باشوفها بابقى عاوزة اكسر التليفزيون
مش اغير القنااة ههههههههههههه
حتى المهندسين مالهومش فرص عمل فى بلدهم قاعدين انا اخويا بيفكر يسافر
بدال ما يتفرج على الشهادة اللى اخدها ههههههههههه
يبقى اذاى بقى فرص العمل كثيرة بالعكس الفرص الكثيرة بقت فى انك تسيب مجالك وتروح مجال فى غير تخصصك

تحياتى لك

rack-yourminds يقول...

ازيك يا هنا وحمدالله علي السلامه
---------

طيب الشباب العاطل هيشوف اي حرفه وهيشتغلها, البنات بقي يا عيني هتشتغل ايه هههه

تحياتي لكي

hana يقول...

rack-yourminds

الحمد لله ازيك انت يا مصطفى عامل ايه
الله يسلمك
::::::

أقولك البنات تشتغل ايه تجيب افارووول وتتعلم السباكة ولا تصليح الماكينات ولا حتى العربياااات وتأخد كورسات جامدة اوى
علشان المصانع تشغلها ونسميها البت بلية
هههههههههههههه

شوفت احلى من كدة شغل الله الله
ربنا يخلى وزارة القوى العاملة
وتحيا مصر

رئيس جمهوريه نفسى يقول...

لا يا هنونه لا لا ملكيشى حق مش عايزه تركبى ليه يا بنتى ده حتى القطر الى جيبينه حورس او بيقولوا عليه مميز يعنى القطر الى بيركبه الغلابه
عايز اعرف مين فى ولاد لجنه السياسات ولا اعضاء مجلس الشعب ولا الوزراء الى ركب القطر قبلنا

محمد ياسر يقول...

فى اخر سنة اهو قولى يا رب عشان اتخرج و نتخرج كلنا
و بايدينا لازم نقرر ميكونش فى بطالة

تحياتى

محمد ياسر يقول...

صحيح اما عن الاعلان العجيب ده فسيبك طبعا بلا اعلان بلا بتاع بس فعلا اللى عايز يشتغل بجد هيشتغل
ربنا يكرمنا

hana يقول...

رئيس جمهورية نفسى
صحيح قطر مميز يا بخت كل الشباب بيه
يتخرجوا مالجامعة على القطر ههههههه
شوفوا الحظوظ ناس محظوظـــة احنا
طب ليه كنا بنتعب نفسنا وندرس
الموضوع مش مستاهل بقى كل الحكاية كورس فى فك الصواميل
وتصليح الالات وانتهينا

ما هو فعلا لو القطر حلو ولازم الخريجين يركبوة
يركبوا لولادهم الاول يا ترى فى سياسى
ماللى بينادوا بركوب القطر
هيخلى ابنه او بنته يركبوا القطر
اللى طول اليوم يمدحوة حاجة بجد تخنق


تحياتى لك

hana يقول...

محمد ياســـر

ربنا يوفقك ياارب ان شاء الله واحنا كلنا وياااك

بس اذااى نقرر بادينا ونخلى مافيش بطالة
وهما فرضين البطاله علينا مافيش وظايف مناسبة ولا تعيناات
كل الموجود اعمال فنية حرفية مش مجالنا
على الاطلاق المفروض كل انسان فى مجالة ويوفروله فرصة عمل


بس اذااى اللى عاوز يشتغل يشتغل
طيب ياااريت ما نعلقش شهادتنا فى برواز
وتبقى لها قيمة


تحياتى لك

Soooo يقول...

استفسار
هو ده القطر اللي بيولع ولا اللي بيتخبط في اتوبيس نقل عمال غزل المحله؟؟


عشان دي تفرق معايا الصراحه





سلاموووووووووووز

د. ضياء النجار يقول...

عودا حميدا للكتابة وللاحباط وللأمل سويا.

بصراحة لا أعرف من المتسبب على وجه التحديد في موضوع البطالة الحقيقية والمقنعة. لكن ما أعرفه أن المتفوقين، ليس بالضرورة الأوائل، من الخريجيين يجدون عادة وسريعا عملا مدفوع الأجر بشكل جيد. كما أن استشراف مستقبل سوق العمل مطلوب أيضا. وأنا شخصيا أتذكر طالبا كان عندي في اللغة الألمانية كلغة اجنبية اتي إلى في اول العام الدراسي واستأذني في انه لن يكون منتظما في حضور المحاضرات ولكنه سيكون على علم دائم بالتطورات في المنهج، فلما سألته عن سبب ذلك، فقال لي: أصلي باشتغل. في ايه؟ سألته باندهاش، فهو لا يزال طالبا في السنة الثانية. فقال لي: أنا اتعلمت لغة البرمجة ودلوقتي باشتغل في كتابة البرامج لبعض شركات البرمجيات. فقلت له: ربنا يوفقك، كمل طريقك وميهمكش من موضوع الحضور. عرفت منه ايضا بعد ذلك انه بجانب الألماني كان يدرس الأسبانية طواعية.

لعلك تدركين ما أريد قوله.

عميق تحياتي

ضياء

حسن ارابيسك يقول...

عندك حق
بس المشكلة الحكومة مش قادرة توفر دعم للبراويز اللي محتاجنها لحنفية الشهادات اللي مفتوحة على الفاضي
اخترتي موضوع عجبني فيه اختزالك له
كفيتي ووفيتي
سعدت بمروري بمدونتك

hana يقول...

Soooo
دة الاثنيين فى بعض النهاية واحدة دماااار

سلاااااام

hana يقول...

د. ضياء النجار
جميل انه الانسان ينمى قدراته ويحسن منهاللافضل ليحصل على عمل جيد
لكن اين هو وان تحقق للبعض هل سيحصل عليه الجميع
تخيل لى اخين بكالوريوس هندسة وليسانس حقوق وبياخدوا المصروف من بابا !!!!!
وليس هم الا جزء من كل الشباب اللى اتخرج واللى هيتخرج هيقفوا فى طابور البطالة او يقعدوا يستريحوا شوية هههه
انا لا اعترض على الفكرة لكن هل من الرائع انه جميع الشباب يتعلم حرفة ويعمل بها فى المصاانع والا هيفوته القطر
لانه القوى العاملة مش هتعيين حد
مش هوة دة اللى هما عاوزينة بعد الدراسة نرمى الشهاداات
ونلحق القطر بسرعة ذى ما بيقول الاعلان

تحياتى وتقديرى

hana يقول...

حسن ارابيسك
ياربى بجد ربنا يكون فى عون الحكومة هتعمل ايه اكثر من كدة ان شاء الله هتحاول تستورد براويز من الخارج علشان تقدر
تكفى كل شباب الخريجيين
ويمكن الموضوع يطرح بمجلس الشعب ويصدروا قانون يوجب استيراد براويز ديدة ومساعدة الشباب فى تعليقها على الحائط


أنا اسعد بتواجدك الجميل


تحياتى وتقديرى

osama يقول...

في دوله فيها الترهل الرهيب والفساد الاداري العميق ذي مصر ... اطمنك ممكن ينسوا يبعتوا القطر ... فلسه فيه امل ههههههههه شفتي العجب

عاليا حليم يقول...

حمد الله ع السلامة فين بقالك مدة ؟ اخبارك أيه بخير والحمد لله ؟
ايه الكلام الجامد ده يا عم انت ن و الله كلام فى الصميم و لو يحسوا على دمهم شوية يشوفلنا حل و القطر بقى ياستى حيجى السعة ماعرفش و نص
ههههههههههههه

يا مراكبي يقول...

وأحب أطمنك إن شوية كمان ومش هيبقى فيه حيطة نعلق عليها حتى الشهادات دي كمان .. لا شغل .. ولا مأوى

MKSARAT SAYED SAAD يقول...

ايه يا هنونة فين الجديد ولا احنا كسلنا
مستني جديدك
تحياتي

hana يقول...

OSAMA
دة الامل خد هدومة وقطع تذكرة القطر ومشى ههههههه

hana يقول...

عاليا حليم

الله يسلمك يا حببس تفتكرى يا عاليا انه عندهم دم

نورتينى يا حبى

hana يقول...

يا مراكبى

يعنى المستقبل يكاد يكون مظلم هههههههه تميز يا شباب مصر هههههه

hana يقول...

MKSARAT SAYED SAAD

ان شاء الله الجديد قريب

ميرسى لتشريفك الغالى بجد...

Dr-hema يقول...

مش هيجى خالص
^_^

hana يقول...

Dr-hema

فعلا مش هايجى خالص دا احساسى


نورتنى جدا

 


تخــاريف هنونـــه. Template Design By: SkinCorner