الخميس، 1 مايو، 2008

فى محراب عينيك (جئتك متعبدة)

قبل ما احط كلمات اخر قصيدة كتبتها
عاوزة اقول انى ماكنتش ناوية احطها
يمكن لانه هى على اد مافى ناس تذوقوها
واعجبوا بكلماتها باحساسها
الا انها اخدت نقد قاسى جدامن ناس اخريين واقسم بالله العلى العظيم
انه كل حرف هنا لا يقصد به غير قمة الاحساس والرقى
وثراء القصيدة بارق المعانى وليس اكثر

وانى لحظة كتابتها ماكنتش اتوقع انه ممكن
حد ياخد معناها الى معنى دينى ابدا

لانى لم اقصد ذلك ولا يمكن أنه اقصد ذلك
والله اعلم بالنوايا


انا هاحطها واتمنى اشوف ارائكم

تحياتى للجميع



وشدنى الحنين
الى محراب عينيك

حبيبى

جئتك متعبدة

اقدم قرابين الهوى بيين يديك

وكم تمنيت

قبولك روحا فيك ذائبه

جئتك والشوق بعيني

غريقا

فى بحور عشقك الهائجة

جئتك

اصلى صلاوات العشق الابدى

وانير

شموعا لم تكن الا لك وحدك

جئتك بروحا فيك هائمة

هائمة حتى الثماله

وقلبا من جمر الهوى

لم يعد لوجودة استحالة

جئتك اناجى دفء الليل فى عينيك

وأغزل من الهوى قبلة على شفتيك


وأضم حياتى بجوارقلبك

ضمنى

ضمنى اليك

ها
انا
ذا
جئتك ولا ادرى

عن الهوى

ولكنى ها هنا اتيت

فهل تتقبل روحا فيك ذائبة


تتلو تراتيلا من العشق

فى معبدك


وبين يديك ساجدة





هنونة

24 التعليقات:

MORONAJU يقول...

الشاعرة الرائعة هنا
أن أتكلم عن روعة وصفك لأحاسيسك فسوف يكون ظلما لك لأن الكلمات لن تفي بحقك

أما الذين انتقدوا القصيدة لأنهم رأوا فيها خروجا على الدين فاسمحي لي أن أقول لك أنهم قرأوا قصيدتك قراءة سطحية جدا جدا جدا

وهؤلاء للأسف أكثر بكثير ممن سيقرأ ما بين كل حرف من أحرف القصيدة ويحيا في عمق الكلمات

لا تتركي لهؤلاء دفة نفسك لأنه لو توقف كل مبدع عن إبداعاته بسببهم لما كان هناك إبداع ولا أدب

واصلي تقدمك دائما وأبدعي بلا قيود
فقط عندما تقتنعين - من داخلك - أن ما أبدعتبه كان خاطئا، وقتها فقط تستطيعين التراجع وليس في ذلك خطأ أبدا

أتمنى لو زرتي مدونتي فسيكون ذلك شرف لي
http://moronaju.blogspot.com/

Dr-hema يقول...

القصيدة روعة روعة روعة

ولكن الكلمات التى بها من العبادة والصلاة لا تكون إلا لله عزوجل وإن السجود لا يكون إلا لله عزو وجل فلا يصح التشبيه بما هو ليس حق لأى شخص وإنما هو حق لله تعالى

وإن من يرى تلك القصيدة لا ينظر لما فيها من جمال وعذوبة وإنما ينظر فيها إلى تلك الكلمات والمعانى التى تجعلها باب للنقد والإعتراض على القصيدة


مشكورة على إحساسك الدافىء

محمد المصري يقول...

بأي حال من الاحوال لايمكن ان اقول رائعه
ولايمكن ان اقول اننا جميعا سلفينن واصبحنا العارفين بالله ولنا ماشئنا في الحكم على شعور ما او كلام ما..نحن بشر اعتيادين وسطيين..نخطأ ونتوب وننصح ونُنْصَح
أدام الله عليك نعمة الاحساس والكتابه
وابعدك الذنب والمعصيه...ولتستمري
ننتظر كلماتك
م.محمد

حسن ارابيسك يقول...

الحقيقة ليس عليها أي غبار
ليس علينا أن نلتزم بمعيار وقوالب وبقوانين شعرية
يكفينا أنها خواطر تخرج ونبوح بها وليستشعرها من من يستشعرها ومازال يحمل بين ضلوعه قلبا ينبض ويشعر بما يشعر به المظلوم والمحب والعاشق والرحال والمجاهد وكل تلك العلاقات الانسانية الجميلة
الله عليكي بجد
أرابيسك

عاليا حليم يقول...

عزيزتى ما تقسميش لحد كفاية انك عارفة انك ما تقصديش معنى دينى

الى فهم غلط هو حر انا اتعرضت لده كتير و فى ااخر بقيت اكبر دماغى

الكلام جميل جداااااااااا

hana يقول...

MORONAJU
بجد ميرسى جدا على كلماتك الرقيقة دى
حقيقى
فعلا انا حسيت انه اللى اخدوها او اخدوا بعض الكلمات بشكل دينى
مقدروش يحسوها يفهموها بالشكل الصح لانه كل لفظ كل حرف انكتب
كان رقى وعلو بالاحساس ومش اكثر
وكنت بجد اتمنى انه كل قارىء للشعر يحسه
مش يقراة

ميرسى على تشجيعك بجد
وان شاء الله لى زياارات لمدونتك الرائعــة

دمت بود

hana يقول...

Dr-hema
أنت الاروع بجد
ميرسى على كلماتك الحلوة
على فكرة فعلا العض ما شافش غير كلمة ساجدة بالقصيدةووكلمة متعبدة
وكداا
رغم انه الكلمات تتحس والله

سعيدة بوجودك جدا
دمت بود

hana يقول...

محمد المصرى
بجد ميرسى جدا لرقة حديثك ولكلمااتك الجميلة
وان اشاء الله دايما هيبقى فى جديد
وفى على فكرة خواطر انا محطتهاش فى المدونة
سعيدة بتعطيرك خاطرتى
دمت بود

hana يقول...

حسن أرابيسك

الله على كلامك انت بجد حقيقى فعلا الخاطرة محتاجة قلوب تحسها
تشعر باحساس حروفها مش بالمعانى السطحية لبعض كلمااتها دون تعمق
وبدون احساااس وبدون مشاعر
يعنى محتاجة قلوب تشوفها قبل العيون

نورتنى وسعيدة دايما بوجودك
دمت بود

hana يقول...

عاليا حليم

هلو يا عاليا ازيك وحشاانى بجد

والله انا اقسمت لانه حقيقى كلماتى بعيدة كل البعد عن الجانب الدينى

كلها احساس وبس

انتى وتواجدك اجمل
نورتينى
دمت بكل الود

Dr. Diaa Elnaggar يقول...

العزيزة هناء

المجتمع اللي وصلك إنك تخافي تنشري كلام جميل زي دا مجتمع احمق يغتال كل ابداع، ولهذا ليس عجبيا أن نكون على ما نحن فيه من تخلف. ولكن حسنا أنك لم تستسلمي لهذا الإرهاب الفكري ونشرت القصيدة.

يا سيدتي قصيدتك فكرتني باغنية ام كلثوم "أقولك ايه عن العشق يا حبيبي" وكانت أغنية عشق في الله، وكل فهمها على ليلاه، وهذا هو جمال الشعر الراقي، وهو نفس ما يمكن لي أن أقوله بكل ثقة على ما كتبتيه هنا.

عميق تحيتي وخالص مودتي

MKSARAT SAYED SAAD يقول...

هنونه
لم اجد ما يدفع للربط بالدين اطلاقا في كلماتك
فكل الكلمات تحمل ان توظف في اي حالة كتابه سواء دينيه او غير ذلك
الكتابه ليس لها مساس بالقدسيه ولا بالدين
لكن ربما بعض من اخذوا قشور الكلمات فقدوا ما تعنيه ورائها
انا مع الاحساس والنيه في التعبير
التعبير عن الاحساس ليس خطأ لكن فهم الاحاساس غلط هو الخطأ
لا تحملي نفسك اراء غير واعيه
لأنه من المؤكد ديننا ارقي من ان يصنف او يستغل
دمتى بكل ود هنونة
سيد سعد

يا مراكبي يقول...

التنويه اللي في الأول قبل القصيدة كنتي تقصدي منه إنه يعفيكي من أي تأويل غير مقصود منك للقصيدة.. لكن مع ذلك (وده بجد لمصلحتك مش أكتر) طبعا فيه بعض الكلمات ذكرت ولا تصح إلا أن تكون للذات الإلهية فقط

ما أقدرش أخبي عليكي كده .. حتى رغم تنويهك اللي في الأول

لكن ده لا يمنع إن الموهبة عندك بجد واضحة

دايما بالتوفيق

MoHaMeD Al.MaSrY يقول...

محمد المصرى
بجد ميرسى جدا لرقة حديثك ولكلمااتك الجميلة
وان اشاء الله دايما هيبقى فى جديد
وفى على فكرة خواطر انا محطتهاش فى المدونة
سعيدة بتعطيرك خاطرتى
دمت بود

ودمتي يافندم..واتاسف على تأخيري في الرد على هذه التعليق..اتمنى نشر الخواطر التي تخفينها في ثنايا معطفك ان اردتي بالطبع كما يشرفني زيارتك لمدونتي الجديده
وشكرا

MORONAJU يقول...

الشهر قرب يخلص يا هنونة
انتي مزعله (إلهام) منك ولا ايه
فين قصيدتك الجديدة

!!! عارفة ... مش عارف ليه يقول...

قصدك واضح وبعيد عن التأويل
والنوايا جليه ولا تحتمل الشك

ولكن التحفظ الذي ابداه البعض كما قرأت من تعليقات له مبرراته أيضاً

شوفي هقولك على حاجة أخيرة

حسن النية متوفر لكن ميمنعش في المستقبل تتجنبي الوقوع في الشبهات خصوصاً إن مفرداتك غنية

وصديقك من صدقك

حسن ارابيسك يقول...

هنا
نتمنى عودتك قريباً موفقة مبدعه كما عاهدناكي
أرابيسك

hana يقول...

MORONAJU

هههههههه لا مش مزعلىة الالهاام ولا حاجة

والله كاتبه بس مش عارفة يمكن كسل

بس هاحط البوست الجديد حالا

hana يقول...

!!! عارفة ... مش عارف ليه

فعلا وان شاء الله كل جديد يبقى بعيد عن
الكلمااات القوية اللى هتخلينا ننضرب هههههه

نورت المدونه

hana يقول...

حسن ارابيسك

ميرسى اوى والروعة بيكم وبتواجدكم

الجميل

سعيدة بطلتك الحلوة

Somaia يقول...

أنا رأيي ان مافيهاش حاجة يعني عادي الله أعلم بالنوايا
أما القصيدة نفسها فرائعة جدا وعجبني أوي احساسك فيها واختيارك للكلمات اللي بتعبر عن رقي احساسك فعلا
ماشاء الله أسلوبك حلو جدا

hana يقول...

Somaia

الاروع انتى وجوجودك بجد حقيقى
سعيدة بتشريفك ورأيك الغالى
نورتينى

غمض عينيك يقول...

طبعا مش هقول كلام احسن ولا اجمل من اللي اتقال
القصيدة طبعا جميلة ورمانسية ومعانيها جميلة بس في ناس بتحب تاخد اللفظ بمعناه المطلق دون معناه اللي جوه القصيدة نفسها
ع العموم الامر مش محتاج كل القسم ده
دي خواطرك انتي واحنا المفروض نشكرك على اتاحة الفرصة لينا اننا نقراها

تحياتي
محمد سمير

hana يقول...

محمد ازيك عامل ايه اخباارك
.....
القسم دا بس تأكيد انى مش بأقصد أى
معنى دينى نهائى لانه فى اعترضو وفهموها بشكل تانى خالص
بمعنى انا وانا باكتبها مافكرتش فيه ابدا ولا جاه على بالى
وميرسى بجد على رأيك الجميل دا
وتواجدك هو الاجمل والله
شرفتنى و نورتنى حقيقى

 


تخــاريف هنونـــه. Template Design By: SkinCorner