السبت، 21 يوليو، 2007

شويه من تخاريف

احساس غريب بيروح اخدنا لبعييداحساس منعرفش امتى بيبتدى وليه ولمين رايح غير لما
نلاقينا بنحب
بس يا ترى فى حب حب بجد ولا الكلمة دى معناها فى القاموس اتغير
مبقاش المعنى الحقيقى للحب
فى ناس بتحب علشان تتسلى وتضيع وقت وطبعا مش هوة دة الحب
لكن بنقول عليه حب كدة مجازا
وتفضل تحب مليون لكن لسه مش بتحب !!!
لانه مش هوة دة الحب
وفى ناس محتارة تحب دى ولا دى ولا وشوية هنا وشوية هنااك
ومضيعة وقتها كله كدة ومتعرفش هى بتحب اللى بتحبه ولا هى عاوزة تحب علشان الحب
ودى بقى ناس مريضة بالحب وربنا يشفيهم
وفى ناس بتحب بتحب بس دول قليلين جدااا
وفى ناس بتحب وهى مش عاوزة تحب !!!!
بس ليه فى منا بيحب غصب عنه يمكن تستغربوا اذاى غصب عنه
لانه بيحب وهوة رافض أنه يحب ورغم انه بيحاول أنه يبعد عن اللى أخد أحساسه
بيحاول يبعد بعييد الا انه برضوا لسه بيحب
بيحب بدون ارادة منه بيحب وهو حاسس أن الشخص اللى بيحبه يمكن لسه ما يعرفش المعنى الحقيقى للحب
غريبه
بس الاهم من دة كله
اذاى اللى حاسس أنه مشدود لحد او بيحب حد والحد دة مايعرفش معنى
الحب الحقيقى ولسه مش فاهمة
يعمل لنفسه استوب ويوقف
ويرجع بسرعة
هوة دة اللى لازم نوصله
يمكن الموضوع البعض مننا يحسه تافه لكن بجد لو كل انسان شاف
انه بيحب انسان مش مقدر حبه بشكل صح أنه يلاقى طريقة يتخلص بيها من حبه دة
وما يكونش ابدا لعبة يلعب بيها حبيبه بأسم الحب
ولا أيه ؟؟؟؟؟؟؟؟

31 التعليقات:

wahed يقول...

مع ان هذه الايام الماده بتطغي علي كل شئ بس برده فيه حب حقيقي وان كان مش كتير

تحياتي لكي

hana يقول...

wahed

صحيح الحب الحقيقى نادر الوجود

لكن ما قولتش ايهمن وجهة نظرك اللى ممكن يعمله انسان حاسس انه بيحب
أو هيحب علشان يلغى مشاعرة
حقيقى نورت بجد

mohamedgado يقول...

اى ده يا ست هنا
هى دى اللى بيقولوا عليها فلسفة الحب
بالرغم من انى تهت فى الكلام اللى كتباه لكن تخاريفك حلوه واحيانا بتقلب لفلسفه زى البوست ده
انا رديت على موضوع العنتبلى ابقى شوفيه
قال تخاريف قال
ههههههه
سلام

Hadota .. حدوتة يقول...

انا بدايق لما بسمع ان حد بيحب حد لمجرد التسلية
او من منطلق ان لم تجد ماتحب فحب ماتجد

الحب الحقيقى شىء تانى
عشان كده لازم نتأنى ومنصدقش اى شعور ممكن يطلع وهم
لازم نتأنى ونحب بعقولنا الاول

ونصون مشاعرنا للى يستاهلها

تحياااتى ليكى
ولتخاريفك

اتمنى اكون صديقة
سلام
حدوتة

غمض عينيك يقول...

بالعكس خالص الموضوع عمره ماكان تافه...اني احب شخص مش حاسس بيه ولا بيبادلني حتى اقل المشاعر يبقى قيد بحطه لنفسي ولازم اكسرة وانسى الحب ده

تحياتي لتخاريفك الجامدة

بمناسبة موضوع العنتبلي بقه
انا عجبانب مواضيعك اوي وبجري وراكي من كوضوع لموضوع ومعجب بيكي وعايز اجي اتقدملك...انا عندي شقة وتوك توك
ممكن ايميلك
:):) :P:P

lpl] sldv

شمعة أمـــــل يقول...

اولا احييكى على البوست الجميل ده ودى اول مرة ازور المدونه لكن بجد عجبنى اوى كلامك
واصعب حب فى الدنيا ان الواحد يحب حد مش حاسس بيه لكن صدقينى من الصعب انه يبعد لو كان ده حب حقيقى فعلا لازم يكون عند الل بيحب ارادة قويه عشان يقدر يتحمل
تحياتى مره تانيه

الكلام نوعان :كلام فارغ وكلام مليان كلام فارغ يقول...

بصي يا ستى فيه ناس نفسها تحب وتعف معنى الحب اللى بجد بس فيه ناس تانيه بتتسلى به ولو انه في رايي الحب ده من الاشياء المقدسه اللى مش ممكن الواحد يلعب بيها ابدا
يارب الناس تعرف ان الحب هوه اعظم شيء ربنا خلقه لنا عشان يكون فيه موده ورحمه سواء في الجواز او في التعامل مع الناس
تحياتى

hana يقول...

محمد جادو
عارف ليه بسميها تخاريف
لانه ما بنتكلم عن الحب
بنتفلسف وبنقو حاجات مش عارفين ليه
أو ازاى بنقولها
نورت بجد

hana يقول...

حدوته


فعلا المشاعر دى غالية جداا والمفروض الكل يفهم
انه مش اى حد ياخدها
اللى يستاهها وبس

نورتى يا قمر وانتى فعلا صديقة
دةانااللى اتمنى انى اكون صديقة
لصاحبة الكلام الجميل دة

نورتى بجد

hana يقول...

غمض عنيك
كلامك فعلا صح

ايه دة عريس احمدك ياااااااااارب ههههههه
عندك شقة وتوك توك دة هو دة
ووووووووووووووووووو
يالله خد الايميل بسرعةقبل ماترجع فى كلامك

هههههههههههههههههه

نورت حقيقى

horas يقول...

معتقدش ان ممكن حد يعرف مهما حاول انه يلغي مشاعره لو حب بجد ..يعنى لو سهم الحب صابه يلا السلامه..وبعد كده لما يتعب يحاول ينسي..يدفن نفسه ف شغل ..ف هوايه ..ف أى حاجه..بس دا في حاله ان الموضوع بايظ خالص واستحاله ينفع ..انه مثلا يكون من طرف واحد..أى حاجه غير كده..لحظة الحب الحقيقة تهون أدامها اى مشاكل..الدنيا كلها تهون أدامها

hana يقول...

شمعة امل
الحب محتاج فعلا ارادة بس
لمايكونالطرف التانىمش يستاهل لالحب أو ما يعرفش معنى الحب
وقتهايمكن يكو نصعب ولاايه
نورتى بجد

hana يقول...

الكلام نوعان


فعلا كلامك حقيقى
بس يــ مكن الى عاوزين يحبوابجد دول نسبة قليله جدا
انما بقى اللى على الساحة بكل نشاط التسالى

هههههه

نورتى ياحبى بجد

hana يقول...

horas said


بجد ك لام حقيقى



لكن لما يكون الحب صعب انه الانسان يستمر فى مشاعرة واحاسيسه لشىء بالطرف الالاخر



وكمان صعب انه يبعد الاحاسيس والمشاعرعن قلبه تجاهة



يبقى ايه يعمل

نورت بجد

شاب نفسه يحقق حلمه يقول...

الاول السلام عليكم

ثانيا احب اقول

ان الحب الحقيقي بقي نادر الوجود
واللي بيحب من قلبه بجد دلوقتي بقي انسان او انسانه نادره الوجود
تحياتي ليكي وانتظر الزياره الثانيه لكي

TheRiddle يقول...

انا أول مرة ادخل البلوج بتاعك
بجد بسم الله ماشاء الله عليكي
البلوج عجبني جدا
اسلوبك حلو وطريقتك حلوة
الى الامام دائما
ربنا يوفقك
تقبلى مروري

kareem يقول...

هااااااى هنونه

اعتذر عن تاخيري في زيارت مدونتك الجميلة
ثانيا عاوز اقولك ان الحب دي اكتر كلمة صعب اننا نوصفها او نحللها على الرغم انها حرفين بس
بس سبحان الله
حاجة تحير و تبرجل كمان

بس انا متفق معاكي ان الحب من طرف واحد لازم ينتهي و نوقفه و مش نستمر فيه و انا سميت الحب ده باسم الحب المر
لانه استحالة يبقا حب سعيد ف يوم من الايام

تحياتي
كريم عزمي

ابقى الحب.. يقول...

تحياتى لهذه المدونه وصاحبة المدونه.. اسمحى لى ان اكون احدى زوارك الدائمين

شقاوة شعب يقول...

انا شخصيا بحب حتى النخاااع
والحمد لله احظى باحلى قصة حب فى الدنيا
وكتبت عنها بالتفصيل فى مدونتى
وتحديدا على هذا الرباط
http://shawetsha3b.blogspot.com/2007/06/blog-post_7911.html

عقبالكم ان شاء الله

wahed يقول...

أتاخرتي ليه وفين قصصك

غمض عينيك يقول...

هنا انتي فين
مش بتيجي
زعلانة مني ولا ايه؟؟
انا قلت يمكن زعلانة فقلت اجيبلك تاج اصالحك بيه

مستني اجاباتك

محمد سمير

S H A H يقول...

ازاي تقولي تافه بالعكس ياهانا

الموضوع ده هيدوس على وتر حساس عند ناس كتير قوي

و في بيرضى بأي حب عشان يعيش الحب و خلاص

و في اللي مستني ييجي الحب اللي فعلا يحسه من قلبه حبه

و عازب و عازف عن الجواز حتى يأتي الاخير

و سلام مؤقت
-----------------------------
على هامش الكومنت
انتي فينك من زمان بطلتي تزوريني خالص

زعلانة و لا ايه

hana يقول...

شاب نفسه يحقق حلمi
فعلا الحب الحقيقى بقى شىء نادر جداا
للأسف صعب حد يلاقيه
وأن لاقاة صعب يصدقه

نورت بجد
تحياتى لك...

hana يقول...

TheRiddle
ميرس بجد الاحلى وجودك
وأحساسك الحلو
نورت بجد
تحياتى وتقديرى

hana يقول...

kareem
هاى يا كريم ازيك
أنت فين
فعلا يا كريم الحب دة احساس معقد جدا
تركيبة من الاحاسيس والمشاعر صعب نترجمها
وصعب نقول أسبابها
والحب من طرف واحدأصعب أنواعها
يمكن لانه صعب نتخيله
نهاية سعيدة

نورت يا كريم
تحياتى لك

hana يقول...

ابقى الحب
ميرسى لتواجدك الجميل
وأتمنى دايما تنورنا أكييد
دة شرف كبير
تحياتى وتقديرى

hana يقول...

شقاوة شعب

ربنا يوفقك يارب
أكيد الحب الحقيقىاحساسه
جميل
هادخل الرابط وأتابع
نورت بجد
تحياتى وتقديرى

hana يقول...

wahed
ازيك عامل ايه
معلش بقى أتأخرت
أنت عارف باباتعبان

هو اللى لخبط وقتى
ويارب أكتب حاجة حلوة
تعجبك وتابعها
نورت بجد وميرسى على سؤالك
تحياتى وتقديرى

hana يقول...

غمض عينيك
موجودة يا محمد
بس الراحة والجاية للمستشفى
ملخبطة وقتىبس اهوة خلاص
قربنا
ازيك عامل ايه
أنا اقدر ما جيش دى مدونتك روعة
وجذابه ولو كملت هعاكسها هههه
ميرسى على التاج دة أول تاج على فكرة يجيلى
هجاوب ان شاء الله
وميرسى مرة تانيه
تحياتى وتقديرى

hana يقول...

S H A H

عارف انا حاسه أنه أهم حاجة فى الجواز
وجود الحب والمشاعرأهم كثير
من الفكرة نفسها لانه فى ناس بتتجوز علشان تعمل بيت وخلاص
لكن الاحلى أنها تتجوز علشان
قلبها ومشاعرها وخداها لانسان
ومش قادرة تبعد عنه
المشاعر مهمة جدا من وجهة نظرى

نورت بجد بجد

وبعدين أنا اقدر ازعل
هتلاقينى موجودة دايما ان شاء الله
تحياتى وتقديرى

butterfly يقول...

i believe that there is no love at all..and we creat this word to explain our strange feelings and movements...no one now love the other truely...all the love now is for fun only....

 


تخــاريف هنونـــه. Template Design By: SkinCorner